ഞാനാകാന്‍ എന്തെളുപ്പമായിരുന്നു
ഒരു പൊട്ടുപെന്‍സിലും
മൂലപൊട്ടിയ സ്ലേറ്റും
മായ്ക്കാനുള്ളൊരു മഷിതണ്ടും
മാനം കാണാതെ പുസ്തകത്തിലൊളിപ്പിച്ച
മയില്‍പീലിതണ്ടും
നിനക്കായ് ഞാനൊരുക്കിയത്
ചാവിയിലോടുന്ന കളിപ്പാട്ടങ്ങള്‍
ചാനലുകളുടെ ധാരാളിത്തം
വറചട്ടിയിലൊരുക്കിയ പാഠഭാഗങ്ങള്‍
ജയിച്ചടക്കേണ്ട മത്സരങ്ങളുടെ
ജീവിത പട്ടിക
നീ പകരം നല്‍കിയത്
വൃദ്ധസദനത്തിലെ
മാസംതെറ്റാതെയുള്ള
പണമടപ്പ്.
മൊയ്തീന്‍കുട്ടി. എം.എ. വല്ലപ്പുഴ
